TIRANE- Ka përfunduar pa asnjë deklaratë takimi i sotëm Rama-Meta në Kryesinë e Kuvendit. Takimi ka nisur në orën 09:45 minuta, edhe pse ishte planifikuar të zhvillohej në orën 09:00.
Gazetarët e stacionuar aty që në mëngjes, thonë se Rama ka qenë i përpiktë me orarin duke u paraqitur në Kryesinë e Kuvendit në orën 09:00, ndërsa Kryeparlamentari Meta ka shkuar me plot 40 minuta vonesë.
Sipas gazetarit të ABC News, Indrit Maraku, Kryeministri Edi Rama ka pritur në paradhomën e zyrës së Metës deri në orën 09:45, kohë kur edhe ka nisur takimi.
