Pas akuzave të kryeministrit Rama se aksioni i Presidentit Meta është i frymëzuar nga aplikimi i Reformës në Drejtësi ka Presidenti Meta ka reaguar përmes një konference për shtyp.
LEXO EDHE – “Shqipëria mund të mos e marrë PO-në” e negociatave, Rama akuzon Metën
Presidenti Meta sqaroi gjatë konferencës letrën e tij drejtuar Komisionerit për Zgjerimin në KE. Ai tha se akuzat se ai po i kërkonte Brukselit mosçeljen e negociatave janë të pavërteta dhe këtë e tregoi duke lexuar në shqip letrën ku ka kërkuar çeljen e negociatave.
“Ju bëj edhe njëherë të qartë letrën, për të ndihmuar KE për të qenë më i vëmendshëm me një çështje kaq kritike, siç është integriteti i Gjykatës Kushtetuese. Në formulimin e bërë krijohej përshtypja sikur problemi ishte bërë nga interpretimi i Presidentit. I dashur z.komisioner, zyra juaj lëshoi dje një paketë të zgjeruar, e mirëpres përkushtimin dhe përpjekjet në mbështetje të integrimit të vendit tim. Mbetem shpresëplotë që vendet anëtare të mbështesim rekomandimin tuaj pozitiv për çeljen e negociatave”, tha Meta duke e lexuar tre herë fjalinë e fundit për ta theksuar edhe më shumë qëndrimin e tij.
Pyetjes së nëse ekspozimi i konfliktit mes tij dhe kuvendit deri në Bruksel mund te ketë ndikim në marrjen e vendimit të këshillit për negociatat Meta ju përgjigj se për këtë duhet të druhen përgjegjësit e kësaj situate.
“A i druhem unë të vërtetës që kam tre vjet që e them? Që ju a kam thënë ju, mazhorancës, opozitës, ambasadorëve, që vendi nuk duhet të ngelë pa Gjykatë Kushtetuese. Këtë situatë e ka shkaktuar vetë mazhoranca e cila do të kapë Gjykatën Kushtetuese. Pse të mos i druhen ndërkombëtarët që nuk kanë marrë parasysh paralajmërimet e Presidentit. Reforma është bërë me ligje anti-kushtetuese, që nga prokurori i përgjithshëm deri te betimi i Lanës. Ligjet tona i ka shkruar Venecia dhe e ka përcaktuar qartë kë kushtetutë se anëtarët e Gjykatës Kushtetuese duhen zgjedhur sipas radhës. a e thirrën këta Venecian? Pse nuk e pritën por pinë kafe dhe i thanë atë ligjin për të cilin ju thirrëm ne e miratuam mbrëmë. Kush na bën ne moral për çështjen e integrimit, zonja Bilali, që 3 vjet e ngriu procesin e integrimin. E mora unë zonjën e Bilalit, dhe i thashë hajde këtu, e detyrova unë do koalicion për të ardhmen, do votosh këto ligjet që të zhbllokohet. kisha frikë që sdo merrnin 84 vota dhe opozita do gjente sebep për t’u hakmarrë”, tha Meta
Presidenti ju përgjigj gjithashtu edhe kryeparlamentarit Gramoz Ruçi duke e pyetur se përse nuk ka marrë përgjigjur kur presidenti ka kërkuar luajalitet kushtetues. Prej tij ai ka kërkuar gjithashtu të nisë një hetim ligjor për ministren e Drejtësisë Etilda Gjonaj
“Po dëgjoja Rucin pak më parë lidhur me këtë çështje, kam vetëm një pyetje shumë miqësore dhe institucionale: Pse duhet të krijohet gjithë kjo situatë, kur presidenti i ka kërkuar në kohën e duhur atij bashkëpunim, i ka kërkuar të veprojë sa më shpejt për anëtarin e parë në përputhje me përcaktimin e Kushtetutës, dhe nuk ka marrë asnjë lloj përgjigjeje. Të hënën në mëngjes, tre orë para se të vendosnin për vakancat, kam bërë dhe një mesazh publik.
Mendoj se ai duhet të kërkojë hetim për çështjen e ministres së Drejtësisë, sepse e kupton shumë mirë se është një vepër e patolerueshme. Duhet një analizë edhe nga vetë Kuvendi për t’u pozicionuar përfundimisht në anën e shtetit të së drejtës apo në anën e një grupi mafioz”, tha Meta, duke paralajmëruar qeverinë se “Duhet t’i thërrasin mendjes dhe të mos përgatiten për alibi dhe të shpikin, siç dëgjova dhe dje, që gjoja presidenti iu ka thënë kryeministrave të mos na çelen negociatat. Presidenti është për integrimin sa më shpejt”.
15 marsi, datë e panegociueshme?
“Integriteti i Gjykatës Kushtetuese është vijë e kuqe flakë, e patë uraganin kuqezi”, përfundoi Meta konferencën e tij. /Opinion.al
