Në kulmin e konfliktit mes PD-së dhe ambasadores së BE në Tiranë, Romana Vlahutin, ka reaguar Ilir Meta. Partia Demokratike e ka akuzuar disa herë ambasadoren e BE për lidhjen me socialistët. Më së fundmi ishte basha ai që deklaroi se vetingu ishte projekt mafioz i Ramës me ambasadorët.
Por çfarë thotë sot Meta?
Ai bëri një paralelizëm, për një situatë të ngjashme para nëj viti dhe u shpreh qartë se BE mund të mos na e japë statusin e vendit kandidat, por ama diellin nuk na e ndalin dot.
Më poshtë deklarata e tij në Zall Hell ku ishte për inagurimin e një rruge bashkë me kruen e bashkisë, Erion Veliaj.
“Ambasadorja jonë në BE para disa kohësh më thoshte: aman bëjmë dhe këtë edhe atë se s’do marrim statusin…Unë i thashë: Statusin mbase nuk na e japin por diellin s’na e marrin dot. Ndaj mendoj se disa konflikte të panevojshme çojnë në një situatë të tensionuar”.
Më tej kreu i Kuvendit tha se klima e ashpër politike po përçohet edhe tek njerëzit që flasin për ndasi.
“Dikush më tha aty kur hymë tek ura se këtu ndahemi me Xhelal Mziun, ngaqë është Bashkia e Kamzës. Edhe unë nuk e prisja kurrë këtë ide që po ndahemi. Këtu bashkohemi se prandaj është ura, i thashë. Për të bashkuar. Të gjithë për Bashkinë jemi, nuk ka asnjë për përçarje. Por ka shumë rëndësi edhe sesi flasim sepse shqiptarët nuk janë edhe kaq modern, trendi si Lali Eri, janë pak tradicional. Kemi një fjalë ne që jemi si malësor nga veriu apo jugu: “Fjala vret më shumë se plumbi”. Dhe në fjalën e fundit e kemi të parën. Jo, ne politikanët duhet të flasim me vepra”
