Socialistët janë bërë gati për të shkarkuar Presidentin Ilir Meta. Por ky i fundit në një konferencë për mediat tha se nisma e Partisë Socialiste për shkarkimin e tij i duket e pakuptimtë.
“Unë jam vetëofruar për ta lënë postin tim, gjithmonë i gatshëm që kjo të bëhet në emër të zgjidhjes së krizës. Nuk e kuptoj, ju intereson zgjidhja e krizës, apo shkarkimi i Presidentit? Nëse ju intereson shkarkimi i Presidentit, kjo është shumë e lehtë, zgjidhim krizën, ikën edhe Presidenti”, tha zoti Meta.
Presidenti tha gjithashtu se nuk ishte ndikuar as nga Sali Berisha, as Basha dhe as Monika Kryemadhi për këtë vendim, i cili sipas tij, nuk e shkel kushtetutën, por është marrë për të shmangur një konflikt destabilizuez./ Opinion.al
