Kreu i SPAK, Altin Dumani ka reaguar për gazetaren Glidona Daci lidhur me deklaratat që Ilir Metës ka bërë mbrëmjen e djeshme në emisionin “Opinion”.
Dumani thotë se nuk e ka takuar kurrë McGonigal.
Sipas tij këto janë akuza të vazhdueshme dhe të pabaza që bëhen ndaj tij dhe institucionit që ai drejton.
“Unë nuk e kam takuar kurrë McGonigal. Gjithçka është thënë në media, është në vazhdën e akuzave të vazhdueshme, te pabaza që bëhen për institucion që unë drejtoj. Nuk ka pasur asnjë arsye për të takuar McGonigal, as nuk e kam njohur kurrë dhe emrin ia kam dëgjuar pas publikimeve ne mediat shqiptare”.
Kujtojmë se Meta në studion e “Opinion” ku ishte i ftuar, tha se sipas të dhënave të tij SPAK ka nisur hetimin për çështjen e CEZ-it pasi Dumani është takuar me Charles McGonigal./Opinion.al
