Ndërsa dje Kryeministri Edi Rama dha se po bëj disa lëshime për ta votuar reformën bashkë me PD, ai në fund kujtoi (atë që kishte dhënë në sallën e Parlamentit) se nëse është e nevojshme do votojmë edhe pa PD-në.
Por bashkëkryetari i koalicionit Ilir Meta, që kur u kthye nga SHBA mori rolin e negociatorit, mes Bashës dhe Ramës, tha sot se LSI voton çdo reformë qoftë edhe “reformën PS-PD, mjafton të jetë me konsensus”. Pra Meta foli hapur duke i thënë Ramës se reforma pa PD-në nuk ka”.
Pjesë nga fjala e Ramës dje:
Shpresojmë shumë që opozita të vijë në komision dhe të japë kontributin e vet të çmuar, ndërkohë që do të punojmë pa pushim, për t’i ofruar asaj në vazhdim, ndoshta edhe përpara mbledhjes së Komisionit, nëse kjo do të arrihej, një zgjidhje të pëlqyeshme kompromisi, por nga kjo anë e vijës së kuqe.
Nëse opozita do të na detyrojë ta votojmë të vetëm draftin, kur të vijë momenti i votimit, ne do ta bëjmë këtë pa asnjë lëkundje, por gjithsesi nuk do ta votojmë në mënyrë të njëanshme nenin e shumicës së cilësuar, që është shqetësimi i opozitës dhe që për ne lidhet vetëm me dy institucione. Do të tentojmë të gjejmë një zgjidhje shumë të arsyeshme. Nuk ka gjë më të mirë që t’ia dalim, sepse bëjmë një punë të madhe. Pastaj do të shohim nëse opozita është ajo që thotë, apo do të shfaqet, siç shumëkush e mendon, me ndonjë pikë tjetër.
Pjesë nga fjala e Metës sot:
LSI është aktori më koherent nga fillimi i reformës në drejtësi deri më tani. LSI ka theksuar që në fillim të punës se baza e konsensusit do të ishte komisioni i Venecias, pasi politika jonë ende konfliktuale e poliralizuar me një fryëm të thellë mosbesimi e ka pasur të vështirë të gjejë konsensusin në kohë për çështje të mëdha.
LSI ka deklaruar se do të votojë një reformë sipas standardeve të Venecias. LSI është e gatshme të votojë çdo reformë që del nga konsensusi, qoftë edhe reforma PS-PD.
LSI konstaton se pas një pune të madhe dhe pas çeljes së dialogut politik në vend konsensusi i plotë është arritur veç një çështje të vetme. Prandaj në këto orë që kanë mbetur ne insistojmë për intensifikimin e dialogut politik dhe ta miratojmë reformën me standardet e Venecias.
LSI nuk e ka luksin të miratojë një reformë në drejtësi pa opozitën.
Meta: Vendi ska nevojë të shkojë në zgjedhje të parakohshme.
Vendi nuk ka nevojë për referendum për një nen të vetëm të reformës, do ta quaja qesharake.
/Opinion.al
