Në korridoret e politikës flitet se pas takimeve që presidenti po zhvillon këtë të enjte, mund të nxjerrë një datë të re zgjedhjesh. Ndonëse nuk morri pjesë në takimin e kërkuar nga Ilir Meta, kryeministri ka folur rreth mundësisë së daljes së një date të re zgjedhjesh, pas dekretit për anulimin e datës 30 qershor.
“Ore mund të bëjë ca të duan, kjo s’ka asnjë rëndësi dhe kjo s’ka asnjë vlerë, është kot! Këtu ka institucione, presidenti nuk ka asnjë të drejtë në asnjë rresht të Kushtetutës. Por kur e lexon kushtetutën si filxhan…”, tha Rama.
I pyetur nga banorët për një vendim të presidentit për të shpërndarë parlamentin, Rama tha: “Ai mund të marrë vendim t’i shpalli luftë Amerikës dhe Bashkimit Euriopian. Të gjithë njerëzit e kuptojnë, pjesa dërrmuese e neverit këtë gjë. Pjesa tjetër e kupton, por nga që është në pozitë thotë hajt mo se del nga një gjë këtu. Por fatkeqësisht është një marrëzi”.
Kryeministri po ashtu hodhi akuza të forta ndaj presidentit, për të cilin tha se ka marrë drejtimin e opozitës.
“Presidenti ka marrë drejtimin e opozitës, dështon Luli ndërhyn Ilir. Është fatkeqësi e madhe për institucionin, por s’kemi ca bëjmë. E thash unë, erdhi dita që edhe Bujar Nishani të bënte si Xheferesoni. Habi e madhe. Kur bëmë marrëveshjen atëherë, që ishte marrëveshje e deklaruar nga dy palët më kujtohet kur do shkruheshin pikat e marrëveshjes ata të presidencës na merrnin në telefonin na thoshin na dërgoni letrën me dy firmat. E kërkonte me shkrim, për të bërë këtë ndryshim. Tjetri hapni vendin se do hidhem. Është habi e madhe shumë dhe i hodhi benzinë zjarrit me atë marrëzinë, iu dha një motiv sado absurd për tu kap këtyre. Sot aktualisht e ka marrë përgjigjen shumë qartë ajo histori edhe nga Kolegji Zgjedhor, edhe është pa të drejtë animimi”. / Opinion.al
