Presidenti Ilir Meta është shfaqur i relaksuar, duke kërcyer valle, gjatë një ceremonie ku rrugës Gjakovë-Qafë Morinë-Tropojë iu vendos emri i Kongresmenit amerikan Eliot Engel.
Duke iu drejtuar të pranishmëve, kreu i shtetit shqiptar tha se nuk ka forcë në botë, që të vendosë në diskutim aleancën shqiptaro-amerikane.
“U përpoq komunizmi për pesëdhjetë vite të shuante çdo ndjenjë proamerikane, por ja që nuk ia arriti dot për shkak se historia e dy vendeve dhe kombeve tona është shumë e thellë dhe është e pa rrezikuar, pavarësisht se intrigat asnjëherë nuk do të përfundojnë për t’i përçarë shqiptarët në emër gjoja të Shteteve të Bashkuara të Amerikës! Shqiptarët nuk qëndrojnë në këtë aleancë si një popull pa dinjitet, por qëndrojnë si një popull, i cili ka vuajtur historikisht shumë nga pushtimet dhe nga tiranitë”, tha Meta.
Kjo deklaratë e presidentit vjen ndërsa në Trianë anëtarë të qeverisë e akuzojnë se ka dalë kundër Uashingtonit, pasi ai bëri kritika të forta ndaj procesit se si po zbatohet reforma në drejtësi për të cilën akuzoi drejtpërdrejt multi-miliarderin George Soros./ Opinion.al
