Rajmond Cani, është mësues i ciklit të ulët, por fatkeqësisht vuan nga një dëmtim në këmbë që i pengon lëvizjen. Mësuesin e kanë transferuar në shkollën 9-vjeçre Sopot, ku nuk shkon rruga e makinës.
Ndaj ai i bën apel qeverisë shqiptare që ta transferojë në një shkollë ku shkon rruga e makinës, pasi e ka të pamundur të ecë 12 km në këmbë.
Por kjo nuk ka qënë vështirësia e vetme .
Ai është shkarkuar e emëruar disa herë nga puna. Në fillim të 2014 e shkarkuan nga detyra që mbante prej 9 vitesh si specialist i arsimit parashkollor në Zyrën Arsimore Bulqizë, më pas e emëruan si mësues zëvendësues shkollën 9 vjeçare “Xhevdet Doda”, në Tetor 2014 mësues në shkollën e mesme “Asllan Keta” dhe pas një viti e transferojnë në Sopot, raporton Balkanweb.
“Më falni për shqetesimin Zonja Ministre, por theksoj se po më çojnë drejt flijimit, pasi për mua nuk ka mbetur rrugë tjetër”, i shkruan Ministres Nikolla.
Por ende mësuesi nuk ka marrë përgjigje nga Ministria e Arsimit.
