“Unë nuk i kam rrahur kurrë nxënësit e mi. I kam dashur dhe vlerësuar si fëmijët e mi. Gjithçka është sajesë nga kushërinjtë e mi. Me njërin prej kushërinjve kam pasur një konflikt të vjetër pronësie”.
Kështu ka deklaruar dje gjatë marrjes në pyetje në polici, mësuesi Agim Muça, i cili dy ditë më parë u arrestua pasi rrahu me dru zjarri 12 nxënës të shkollës 9vjeçare në Orzhanovë të rrethit të Bulqizës. 63vjeçari ka thënë se nuk e ka goditur as vajzën e mitur, e cila sipas mjekëve ka pësuar hematoma në kokë.. Ndërkohë, burime konfidenciale nga blutë pohuan se para se të merrej në pyetje, mësuesi u ka thënë që t’i çonin një gotë konjak.
Nga ana tjetër, drejtori i shkollës ku ndodhi ngjarja ka thënë se dje mësimi ka vijuar normalisht dhe se kanë emëruar një mësues tjetër në vend të 63vjeçarit që ka përfunduar në pranga.
Në fillim të kësaj jave, drejtori bashkë me nëndrejtorin kanë mbërritur në shkollën e fshatit dhe kanë realizuar pyetësorin: A jeni dhunuar nga mësuesi Agim Muça? Katër vajza të klasës së tretë dhe të pestë kanë shkruar në pyetësor se janë dhunuar nga mësuesi. Pas faktimit të ngjarjes, Koçi e Tola i kanë sugjeruar më suesit Agim Muça t’u kërkonte ndjesë fëmijëve për gjestin e kryer, pasi në bisedë të lirë, pa praninë e prindërve dhe nxënësve, 63 vjeçari është shprehur se i ka rrahur disa nxënës
