Një sërë informatash konfidenciale nga firma ligjore ‘Mossack Fonseca’ ka hedhur dritë mbi atë se si firma të fuqishme kanë shmangur taksat, me futbollin si një prej industrive që bien në qendër të vëmendjes
Rrjedhja e të ashtuquajturave ‘Panama Papers’ përbëhet prej rreth 11 milionë dokumenteve të cilat në mënyrë anonime janë bartur tek gazeta gjermane ‘Sueddeutsche Zeitung’, e cila më pas i ka publikuar ato në bashkëpunim me Shoqatën Ndërkombëtare të Gazetarëve Investigativ.
Në këto dokumente të ekspozuara është përmendur edhe emri i Lionel Messit.
Ylli i Barcelonës, pesë herë fituesi i ‘Topit të Artë, Lionel Messi, i cili tashmë së bashku me babain e tij, Jorge Horacio Messi, akuzohen për mashtrime me taksa në Spanjë, kishin përdoruar kompanitë në Belize dhe Uruguai për t’ju ikur tatimeve.
Këto dokumente të ekspozuara tregojnë se Messi dhe babai i tij kanë edhe një kompani në Panama, të quajtur ‘Mega Star Enterprises’
Përmendja e parë e kësaj kompani në të dhënat e ‘Mossack Fonsecas’ është bërë me 13 qershor 2013 – një ditë pasi prokurorët spanjoll kanë ngritur akuza për mashtrime me taksa ndaj Lionel Messit dhe babait të tij, shkruan ‘Sueddeutsche.de‘.
Dhjetë ditë më pas, 23 qershor 2013, në dokumente përmenden Messit si pronarë të ‘Mega Star Enterprises’.
Përmes babait të tij, Leo Messi ka referuar të komentojë për këto akuza. /Express/
