Banka Kombëtare Tregtare që u grabit sot në mes të ditës dhe në mes të qytetit të Vlorës bie për herë të dytë pre e grabitësve. Dëshmitarët në vendin e ngjarjes i kanë thënë policisë se dy persona me kapele kanë neutralizuar rojen dhe më pas kanë hyrë brenda. Njëri i është drejtuar arkës dhe tjetri i ka bërë presion punonjësve të mos lëvizin. Nuk ka pasur të shtëna dhe as rezistencë nga punonjësit. Grabitësit në pak minuta kanë realizuar marrjen e parave dhe janë laguar nga vendi i ngjarjes me motor. Policia ka mbërritur në vendin e ngjarjes, ndërsa ende ska asnjë të dhënë për autorët e dyshuar. BKT ndodhet në sheshin e Flamurit në Vlorë dhe është grabitur edhe para 5 viteve.
