Janë provuar me fakte disa mesazhe ku nxënës të gjimnazit “Sami Frashëri” në Tiranë dhe njëkohësisht anëtarë të forumit rinor të FRESSH, kërcënojnë shokët e shkollës që t’mos i bashkohen marshimit të studentëve drejt Ministrisë së Arsimit.
Nga mesazhet e komunikuara mes tyre, duket qartë tentativa dhe orkestrimi nga lart, për të penguar gjimnazistët që t’i bashkohen protestës studentore.
“Është e pamundur t’i ndalësh sepse e kanë marrë vesh të gjithë për protestën dhe nga një kanë të drejtë”,- citohet nga një mesazh.
Në nismën për të penguar gjimnazistët e “Sami Frashërit”, është futur edhe presidenti i kësaj shkolle, i cili shkruan se nëse një ‘ismails’ shkon në protestë dhe del me pankartë “Ismaili është me ju”,- t’a dijë se do të penalizohet.
Sipas tij, kjo do të ndodhë për faktin se një grup i vogël nxënësish nuk mundet të përfaqësojë një shkollë me 1800 nxënës.
