Kryeparlamentarja Lindita Nikolla ka nisur seancën e sotme Plenare nën tensione dhe zhurmues të vendosura nga ana e opozitës.
Sot, si duket, opozita ka zgjedhur një formë më të sofistikuar për të vijuar me mosbindjen e tyre në Parlament.
Ata nuk kanë bërë grumbull karriget dhe nuk kanë hedhur as flakadanë, por kanë mbushur vendet ku ulen me pankarta kundër qeverisë si dhe janë bërë rresht para foltores.
Gjithashtu ata kishin vendosur zhurmues, e cila e shoqëroi kryetaren e Kuvendit Lindita Nikolla gjatë gjithë kohës që ajo kaloi ligjet për miratim.
Veç Berishë, i cili është nën masën “arrest shtëpie”, në Kuvend mungonte kreu i grupit parlamentar të PD-së Gazment Bardhi dhe deputeti Flamur Noka, të cilët janë të përjashtuar me 10 ditë për shkak të incidenteve në sallën e Kuvendit dhe pengimin e mbledhjes së Komisionit të Medias./Opinion.al
