Lulzim Basha ka vijuar replikat me kryeministrin Edi Rama pasi ky i fundit i tha se kishte ngelur vetëm.
Përmes një video në rrjete sociale me Hysen Xhurën, kandidat për deputet në listën e hapur të Koalicionit Euroatlantik në njësinë numër 4 në kryeqytet, Basha i thotë Ramës që të mos merret me shokët e tij, por me të vetët, pasi po i dalin duarsh.
Basha: Ke fillu me u marrë me shokët e mi ë, kishe kërku Hysenin që në mëngjes. Ja ku e ke Hysenin o Rame.
Xhura: Rame, këtu jam, këtu. Njësia 4, kolona katër.
Basha: Koalicioni Euroatlanik Rame, kandidat për deputet te njësia 4, kolona 4. Po ç’pune ke me shokët e mi o Rame?! Merru o burrë me shokët e tu se po të dalin duarsh. Se mban dot burgun Lali Eri Rame, ka fillu me lëviz, po të bën presion. Ruhu Rame se dy paketa t’i dhashë për njonin, mos më bëj të shkoj të blej ca paketa të tjera. E merr vesh vetë ti.
