Ai nuk e pranonte ndarjen nga e dashura dhe për këtë arsye kishte nisur ta përndiqte me telefonata, SMS si dhe kërcënime me vetëvrasje.
Epilogu i historisë u mbyll me pengmarrjen e vajzës 30 vjeçe nga Rumania me banim në Padua, e cila u shpëtua falë ndërhyrjes së policisë.
Ajo kishte nisur një lidhje me një djalë shqiptar 27 vjeç në maj të këtij viti. Ata kishin jetuar dhe për një periudhë kohe së bashku.
Më pas, 30-vjeçarja ishte kthyer në Padua ku jeton me djalin e saj nga martesa e mëparshme.
Kjo ndodhi pasi shqiptari kishte nisur të shfaqet xhelozi të papërmbajtur dhe për këtë arsye vajza nga Rumania vendosi ta linte.
Gjatë një takimi që dy të rinjtë kishin pasur pas ndarjes, shqiptari kishte kërcënuar se do të vriste veten duke prere fytin me thikë.
Pasi i kishte marrë thikën dhe e kishte qetësuar, vajza është larguar për të marrë taksi për të shkuar në stacionin e trenit.
Por, shqiptari ka këmbëngulur që ta dërgonte me makinë duke tentuar ta fusë me forcë në automjet.
Në këtë moment, vajza ka nxjerr telefonin për t’i telefonuar ish-bashkëshortit për ndihmë, por 27-vjeçari i ka marrë telefonin nga duart dhe duke e kërcënuar se do ta vriste.
Për fatin e mirë të vajzës, në ato momente shfaqet një patrullë policie, ku vajza u ka treguar atyre gjithçka kishte ndodhur. Kjo bëri që shqiptari të arrestohej dhe të dërgohej në burgun e Rovenës./Panorama
