Policia ka dhënë detaje për pengmarrjen e ndodhur një natë më parë në Velipojë. Sipas një njoftimi zyrtar, policia e Shkodrës sqaron se ka qenë një telefonatë e mbërritur në sallën e komandimit që rapotonte se personi me iniciale P. N, me Dodë Gjikolaj kishin patur një konflikt.
Nga konfirmimet e familjarëve të personit të dëmtuar, Dodë Gjikolaj për shkak të një borxhi të pa shlyer, ka marrë jashtë deshirës së tij P. N, duke e futur në automjetin “Smart” me targa AA 681 BF.
Menjëherë janë vënë në lëvizje forcat Policisë ku në bazë të informacioneve policore dhe në vijim të punës së mirëorganizuar u bë e mundur në orët e para të mëngjesit të bëhet shoqërimi i palëve në konflikt për sqarimin e rrethanave të konfliktit i shtetasve:
Dodë Gjikolaj, 38 vjeç, lindur në Kurbnesh, Mirditë dhe banues në Velipojë, Shkodër,
Dhe shtetasit: P. N, 31 vjeç, banues në fshatin Kastrat, Malësi e Madhe,
Policia thotë se vijojnë veprimet për sqarimin e plotë të rrethanave të ngjarjes
