Kanë rinisur sulmet ajrore në qytetin e shkatërruar të Aleppo në Siri. Bombaridmet i kanë dhënë kështu fund armëpushimit tre ditor të vendosur nga qeveria siriane dhe ajo ruse.
Nën shënjestër të dronëve sirianë dhe rusë janë pikërisht lagjet që kontrollohen nga kryengritësit e vendit, të cilët edhe këtë herë refuzuan ofertën e qeverisë siriane për të lënë qytetin nëpërmjet korridoreve humanitare gjatë armëpushimit të brishtë.
Sipas Observatorit Sirian për të Drejtat e Njeriut, luftime janë zhvilluar edhe në tokë, ndërsa janë raportuar edhe të shtëna me artileri të rëndë. Sulmet janë përqëndruar në pjesën lindore të Aleppos, zonë kjo me popullsi të dendur.
