Një magazinë e ish-uzinës së përpunimit të naftës dhe një shtëpi pranë saj ka marrë flakë pasditen e sotme.
Menjëherë kanë shkuar forcat zjarrfikëse të Mallakastrës, por e kanë të vështirë fikjen e flakëve, pasi në magazinë dhe rrotull saj ka mbetje hidrokarbure, të akumuluara prej vitesh.
Magazina është në pronësi të dy personave, një nga Buzmadhi i Cakranit dhe tjetri nga Drizari, por që e kanë braktisur prej disa muajsh.
Veç mjeteve zjarrfikëse të Bashkisë Mallakastër në terren ka shkuar edhe një automjet zjarrfikës i kompanisë “Albpetrol” me qëllim fikjen me lëndë të posaçme zjarrfikës, pasi me ujë nuk mund të ndërhyhet për shuarjen e flakëve.
Pranë magazinës ndodhet një banesë dhe një fabrikë e prodhimit të vajit të ullirit, por zjarrfikësit po qëndrojnë në gatishmëri që të mos marrë zjarr.
