Angela Merkel është votuar sot si kancelare e Gjermanisë për të katërtën herë, thuajse gjashtë muaj pas mbajtjes së zgjedhjeve kombëtare. Ajo është bërë kështu, kancelarja më e gjatë në pushtet në historinë e Gjermanisë së pasluftës. Ajo mori 364 nga 709 vota në raundin e parë të votimit në parlament, duke arritur të ketë 11 vota më shumë se minimumi i domosdoshëm për të krijuar qeverinë, por 35 vota më pak nga sa mund të kishte nëse të gjithë anëtarët e koalicionit ku bën pjesë do të votonin pro saj. Koalicioni i Kristian Demokratëve të Merkelit dhe Social Demokratëve, ka një total prej 399 vendesh në parlament. / Opinion.al
