Shkëlzen Gashi po kthehet në një çeshtje tek Basel teksa lojtari nuk preferohet të luajë as në ndeshje miqësore.
Sulmuesi kuqezi duket larg Zvicrës teksa për të ka 3 oferta konkrete nga Italia por edhe nga Trabzonspor në Turqi.
Në një prononcim ish sulmuesi i kombëtares Shqiptare, Erjon Bogdani këshillon Gashin të zgjedhë Fiorentinën për të vazhduar karrierën.
“Do të doja të zgjidhte Fiorentinën pasi është një ekip mjaft i njohur dhe aty do të gjejë ish-trajnerin e tij tek Basel, Paolo Souza”
“Në ndryshim nga ofertat e tjera, Souza do ndihmojë Gashin të ambientohet më shpejt. Ai duhet të zgjedhë një ekip ku i garantohet formacioni. Golat do i rikthenin besimin”, – u shpreh Bogdani për Panorama Sport
