Ministri për Europën dhe Punët e Jashtme, Igli Hasani ka reaguar për sulmin me 1 të vrarë në veri të Kosovës.
Hasani teksa dënoi sulmin, theksoi se akti i sotëm kriminal është kërcënim për sigurinë e stabilitetin e rajonit.
Më tej ai thekson se Shqipëria është në krah të Kosovës në këto momente të vështira.
Postimi i plotë
Dënojmë me ashpërsi sulmin me armë ndaj Policisë dhe shtetit të Kosovës. Ngushëllimet tona për familjen e oficerit të Policisë që humbi jetën në krye të detyrës dhe shërim të shpejtë efektivit të plagosur.
Akti i sotëm kriminal është kërcënim për sigurinë e stabilitetin e rajonit tonë dhe autorët duhet të përballen sa më parë me drejtësinë.
Shqipëria është në krah të Kosovës në këto momente të vështira që kërkojnë gjakftohtësi, në bashkëpunim të ngushtë me aleatët e partnerët./Opinion.al
