Askush nuk e mendon se vdekja mund të vijë nga ushqimet që ne konsumojmë në përditshmëri. Këtu sigurisht përjashtohen rastet e helmimeve apo alergjitë. Por a e kishit menduar që mund të vdisni edhe nëse pini ujë të shëndetshëm, hani banane apo mollë? Sigurisht vdekja nuk do të vijë nga një gotë ujë apo nga një frut; duhet një sasi e caktuar, por disa prej tyre nuk janë edhe aq të pamundura. Hidhini një sy më poshtë se ç’sasi të produkteve që konsumoni mjafton për t’ju marrë jetën:
Uji: e keni dëgjuar të gjithë që duhet të pijmë 2 litra ujë në ditë, por nëse pini trefishin veshkat tuaja nuk do e procesojnë dot aq shumë lëng dhe do të dalë nga sistemi. Rezultati mund të jetë edemë e brendshme e trurit apo organeve të tjera dhe arrest frymëmarrje. Bëni kujdes, sepse në ditë të nxehta të verës nuk është e pamundur të konsumoni 14 shishe të vogla uji apo 3 të mëdhaja.
Kafeja: 28 litra kafe besohet të jetë dozë vdekjeprurëse. Kjo është afërsisht 113 kupa kafeje. Megjithatë në këtë rast, njeriu nuk do të vdiste nga overdoza e kafeinës por prej intoksikimit të ujit. Nëse nuk hani kokrra kafeje me grushta, jeni të sigurtë.
Çokollata: çokollata përmban një sasi të vogël theobromine. Ky alkaloid është një agjent i fuqishëm nervor. Bëni kujdes kur ndiheni të trishtuar dhe gjeni ngushëllim te çokollata pasi nëse konsumoni afërsisht 10 kilogramë (ose 84 copa) do të keni një vdekje të ngadaltë e të dhimbshme që fillon me marrje mendsh, diarre, kriza epileptike, gjakderdhje e brendshme, infarkt kardiak e në fund, vdekja.
Marijuana: gjërat janë ndryshe me marijuanën sepse për të vdekur nga një overdozë duhet të tymosni 600 kilogramë për 15 minuta. Pak e pamundur kjo.
Molla: ju nuk do të vdisni duke ngrënë 18 mollë, por nëse këtyre 18 mollëve u merrni farat, i përtypni e më pas i gëlltisni, ka gjasa të vdisni sepse farat e mollën përmbajnë cianid.
Bananet: bananet përmbajnë kalium, një overdozë e të cilës çon në vdekje. Që kjo të ndodhë ama duhet të konsumoni 400 banane.
Portokallet: që të vdisni nga një overdozë portokallet duket gjithashtu pak e pamundur, veteëm nëse mendoni që mund të hani 11,000 të tilla.
Sheqeri: doza fatale e sukrozës është 15 kilogram për një njeri të rritur, nëse e konsumoni menjëherë.
Pasta e dhëmbëve: kjo e fundit nuk është ushqim por një sasi e saj përfundon në gojëntonë çdo ditë. Nëse konsumoni 24 tuba pastë, do t’ju çojë në botën e përtejme./Opinion.al
