Dy punëtorë në Estoni nxituan të shpëtonin një qen që kishte ngecur në një liqen të ngrirë, por për habinë mësuan më vonë se kishin shpëtuar një ujk dhe e kishin në makinën e tyre.
Dy punëtorët ishin duke punuar në Parnu, kur vunë re se një kafshë kishte mbetur e bllokuar në ujin e ngrirë. Pasi pastruan rrugën nga akulli, ata transportuan kafshën e ngrirë në një klinikë mjekësore.
Vetëm kur arritën iu tregua se në fakt nuk po transportonin një qen, por një ujk. Sipas ‘Unionit të mbrojtjes së kafshëve’ në Estoni, ujku e kishte shumë të ulët presionin e gjakut dhe kjo ndoshta shpjegon se përse kafsha ishte e zbutur dhe nuk i sulmoi burrat kur e morën nga ujërat e ngrirë.
Një nga punëtorët u shpreh: “Na duhet ta transportonim deri në makinë dhe në fakt peshonte shumë. Ishte mjaft i qetë dhe e zuri gjumi tek këmbët e mia. Kur unë lëviza këmbët, ai ngriti kokën vetëm për një çast,”-përfundoi punëtori.
Fillimisht veterinerët patën dyshime kur panë madhësinë e ujkut, por ishte një gjahtar vendas i cili konfirmoi se kafsha ishte një ujk mashkull rreth 1 vjeç.
Pasi e mjekuan dhe për ta mbajtur nën vëzhgim veterinerët e vendosën ujkun në një kafaz në rast do të niste të ishte agresiv. Fatmirësisht ai e mori veten për një ditë dhe më pas e liruan sërish në natyrë./Xh.K/Opinion.al/
