Kryetari i grupit parlamentar socialist, Taulant Balla gjatë fjalës së tij në Konferencën e Kryetarëve tha se janë të gatshëm të vazhdojnë diskutimet me opozitën edhe për raundin e katërt.
Balla nuk i kurseu as ironinë, ku iu drejtua opozitës duke i thënë se tanimë ata duhet të kishin zënë mend nga bojkotet.
“Dështimi i zgjedhjes së presidentit e çon vendin në zgjedhje të parakohshme. Jua kam thënë që ditën e parë, nëse keni pasur këtë strategji, është strategjia juaj. As këtë se paskeni në konsideratë? Po ne vendin nuk do e lëmë pa president. Jemi të gatshëm që të zhvillojmë sot diskutimet. Miqësisht jua them, ajo që bëtë në raundin e tretë, bojkot institucioneve, mendoja se keni vënë mend nga bojkoti, por po vazhduat me këtë histori, malet më të larta thoshte dikush. Ne presim që në ditët dhe orët në vijim, nëse doni që të përfshihemi në këtë proces, gati jemi”,-tha Balla.
