Kryeministrja italiane Giorgia Meloni ka mbrojtur miliarderin amerikan Elon Musk nga kritikat që ai ka marrë nga kryeqytetet e tjera evropiane, duke e quajtur atë një “njeri brilant” në një intervistë të botuar sot në gazetën Corriere della Sera.
“Ai është një figurë e rëndësishme e kohës sonë, një modernist i jashtëzakonshëm që ka gjithmonë në mendje të ardhmen”, tha Meloni.
Kryetarja e partisë së ekstremit të djathtë “Vëllezërit e Italisë” ka folur edhe për marrëdhënien personale që ka me themeluesin e Teslas.
“Ne jemi qartazi dy persona që kemi një marrëdhënie shumë të mirë. Ai është një njeri shumë inteligjent dhe gjithmonë shumë interesant kur e ke pranë.”
Pas fitores së Trump në zgjedhjet presidenciale në SHBA, Musk po përpiqet gjithnjë e më shumë të ndikojë në politikën në Evropë me deklaratat e tij në media të ndryshme. Ndër komentet e tij janë përshkrimi i presidentit gjerman Frank-Walter Steinmeier si një “tiran” dhe kancelarit Olaf Scholz si një “budalla”.
Për shkak të kësaj qasje të Musk, nga kryeqytetet europiane po bëhen më të shpeshta thirrjet për të kufizuar ndikimin e tij në politikat e unionit.
Musk mbajti një ceremoni për Melonin vitin e kaluar kur kryeministrja italiane u nderua në SHBA. Meloni konsiderohet prej tij si një nga kreret e shteteve të mëdha të BE-së, duke pasur marrëdhënie të mira edhe me kampin e Trump.
Në intervistën e saj në insertin e fundjavës së gazetës, e cila u publikua sot në rrjet, Meloni tha gjithashtu se ka fusha ku ajo dhe Musk “kanë mosmarrëveshje të mëdha”.
“Disa njerëz e quanin intelektual deri dje dhe sot e paraqesin si përbindësh vetëm pse zgjodhi kampin e ‘gabuar’”, theksoi ajo.
