Nëntë persona, mes tyre 4 të mitur të moshës 12-17 vjeç, kanë ndërruar jetë ndërsa 2 të tjerë janë plagosur në një sallë lojërash elektronike në Meksikë.
Ngjarja e rëndë ndodhi në Uruapan, një qytet në shtetin Miçoakan. Autoritetet bëjnë me dije se 4 persona u futën brenda sallës dhe pasi bënë disa pyetje nisën të qëllonin me armë ushtarake.
Uruapani, një qytet me rreth 250 mijë banorë, ka qenë edhe më parë shesh beteje i karteleve të drogës. Në vitin 2013, trupat e 7 personave të vrarë u hodhën në mes të sheshit kryesor të qytetit, ndërsa mbi trupat e tyre ishin ngulur letra me mesazhe të ndryshme.
Ndërsa në vitin 2006, anëtarë të kartelit të drogës “La Familia Michoacana” hodhën në mesin e një piste vallëzimi pesë koka të prera të anëtarëve të një bande rivale./Opinion.al
