Kejdi Mehmetaj, ish-deputetja e LSI, është shprehur se deputetja Rudina Hajdari, po i shërben qeverisë “Rama”.
Ajo ka ironizuar Hajdarin duke thënë se ajo i shërben kryeministrit Edi Rama, më mirë se Elisa Spiropali dhe i është shtuar grupit të fortë të konkurrencës brenda Rilindjes se kush i bën më shumë hije shefit të madh.
Akuzat e Mehmetajt vijnë pas debatit të sotëm mes zëdhënësit të Presidentit Ilir Meta, Tedi Blushi, dhe deputetes demokrate, Rudina Hajdari, lidhur me mosrespektimin e heshtjes zgjedhore.
“Me Rudinën nuk kam dashur të merrem kurrë, marrëzitë e saj i kam justifikuar me pamundësitë fizike dhe rrethanore që ka për të gjykuar drejtë! Shërbimet që i ka bërë qeverisë Rama, do ja kishte zili edhe vet Elisa. Më duket se i është shtuar grupit të fortë të konkurencës që është krijuar brenda Rilindjes, se kush i bën më shumë hije shefit të madh. Nën siglën e PD, nuk la zyrë e derë pa hedhur vrer. Megjithatë, për këto, përgjigjen do e japë përballë votuesve të PD. Tani, meqënëse Rudina që na u shit me principe përëndimore, ra në vulgun e Ramës e filloi komentet me gra e familje, po i kujtoj kodin e moralit të shqiptarit: Familja është e shenjtë, nuk preket! E përpara se të shesë moral e të bëj shenjtoren në hapsirën politike shqiptare, duhet ta dijë se për të qenë shenjtore nuk mjafton një “shën” përpara!”, shkruan Mehmetaj./ Opinion.al E.Xh.
