Lajmet se Princ Harry dhe Meghan Markle do zhvendosen për të jetuar në Afrikë, kanë sjellë reagimin e Pallatit Buckingham, i cili nuk përfshihet shpesh në lajmet spekulative të ndryshme që qarkullojnë mbi anëtarët e familjes mbretërore.
Gazetari zyrtar i familjes mbretërore, Richard Palme shkroi në Twitter se Pallati Buckingham nuk i mohon raportimet se ky vendim i Dukës dhe Dukeshës është një mundësi, por sipas tij asnjë vendim nuk është marrë.
“Zyrtarët kanë diskutuar për dërgimin e Harry-t dhe Meghan në Afrikë, si një mënyrë për të ndikuar tek të rinjtë në Commonwealth, por çdo plan i ardhshëm për Dukën dhe Dukeshën është spekulativ në këtë fazë. Asnjë vendim nuk është marrë për rolet e tyre të ardhshme. Duka do vazhdojë të përmbushë rolin e tij si Ambasadori i Rinjve të Komonuelthit,”-tha gazetari, duke raportuar kështu në emër të Pallatit Buckingham./Opinion.al
