Fatmir Mediu deklaroi sot se Edi Rama po tenton blerjen e deputetëve me qëllim votimin e Reformës në Drejtësi pa gjetur konsensusin me opozitën.
” Të gjitha përpjekjet e Ramës për të kontrolluar gjyqësorin politikisht nëpërmjet blerjes së deputetëve në Parlament, janë një akt i turpshëm që jo vetëm nuk ndërton drejtësi të pakorruptuar, por do të çojë në një konflikt politik që cënon të ardhmen e Shqipërisë”, tha Mediu në një konferencë për shtyp.
Sakaq Mediu vuri në dukje faktin se po punohet në rrugë diplomatike “kongresmenët amerikanë, Kryetari i Komitetit për Europën dhe Azinë në Komisionin e Politikës së Jashtme të Kongresit Amerikan Dana Rohrabacher, Zv.Presidenti i Asamblesë Parlamentare të NATOs, Robert Aderholt si dhe kongresmeni David Jolly, i kanë kërkuar me një letër të përbashkët, Sekretarit Amerikan Kerry, që të ndërhyjë tek Qeveria dhe klasa politike për të gjetur konsensus bazuar mbi rekomandimin 88 të Komisionit të Venecias”.
