Mediat ndërkombëtare i kanë bërë jehonë vizitës së Sekretari amerikan të Shtetit, Antony Blinken, në Shqipëri.
Në shkrimet e mediave ndërkombëtare, vizita e Blinken shihet si një hap për të forcuar marrëdhëniet mes palëve dhe Shqipëria si një parter partner kyç në Ballkan.
“Blinken viziton Shqipërinë, aleatin kyç rajonal të SHBA-së” kështu e ka clësuar prestigjozja amerikane Washington Post vizitën e sekretarit të gjashtë amerikan që viziton vendin tonë.
Lajmi është raportuar edhe nga media franceze France24, e cila shkruan mes të tjerash se në rrugët e Tiranës mund të shihen postera gjigantë që mirëpritnin ardhjen e zotit Blinken.
Ndërkohë media “AP” ka raportuar mbi vizitën e Blinken në Shqipëri, ndërsa thekson se pjesë e dikutimeve janë edhe tensionet mes fqinjëve Kosovë dhe Serbi.
Zëri i Amerikës shkruan se vizita e Blinken merr një rëndësi të veçantë për të gjithë Ballkanin Perëndimor, duke dëshmuar angazhimin amerikan në këtë rajon përballë përpjekjeve destabilizuese të Rusisë.
Po ashtu rrjeti televiziv amerikan ABC news ka pasqyruar në detaje takimet me zyrtarët shqiptarë dhe çështjet që do të diskutohen gjatë kësaj vizite.
Edhe agjencia e lajmeve Reuters e cilëson vendin tonë një partner vendimtar për Uashingtonin dhe se kjo vizitë është shenjë e forcimit të marrëdhënieve mes dy vendeve.
