TIRANË- Ministri i Jashtëm i Italisë, Paolo Gentiloni, i cili gjendet për vizitë zyrtare në Tiranë bashkë me homologun serb, Ivica Daçiç, foli edhe për terrorizmin dhe për atë ccka kanë shkruar mediat italiane për Shqipërinë.
“Shqetësimi për rrezikun e radikalizmit dhe terrorizmit,është një shqetësim i përbashkët për qeveritë tona. Një temë që qeveria shqiptare, italiane dhe serbe janë të angazhuara në vendet e tyre duke miratuar norma ligjore më shtrënguese, duke ndërhyrë ndaj kësaj çështje. Është një realitet që asnjë vend nuk mund të ndihet i mbrojtur. Duhet të kemi një përgjigje të përbashkët që të përfshijë strukturat tonë të inteligjencës në mënyrë të përbashkët. Jemi te shqetesuar ndaj ketyre fenomeneve dhe perpiqemi te bashkepunojme me qeverite e vendeve”, tha Gentiloni.
Ai iu përgjigj edhe pyetjeve të gazetarëve tanë për shkrimet e Corriere dhe mediave të tjera italiane për Shqipërinë. “Unë nuk jam në gjendje të komentoj këtë çështje sepse më ka shpëtuar. Por e përsëris: e dimë të gjithë se rreziku i mungesës së stabilitetit dhe i radikalizimit është i pranishëm në realitetet tona, në metropolet e mëdha të vendeve perëndimore, nuk është një rrezik që duhet ta konsiderojmë se i përket vetëm disa vendeve. ka disa vende që janë më në rrezik, nuk është rasti i Italisë, Shqipërisë apo Serbisë, por problemi i prek të gjithë. Duhet të angazhohemi në luftën ndaj këtyre fenomeneve”, tha ai.
