Mëdiat greke raportojnë për një bisede të zhvilluar mes kryeministrit shqiptar Edi Rama dhe atij grek, Aleksis Cipras, ndërsa nga zyra për mediat e kryeministrit tonë nuk ka ende asnjë informacion për këtë bisede.
Duke iu referuar medias greke mësohet se telefonata është kryer me kërkesën e kryeministrit Rama.
Televizioni shetëror grek, ERT informon se: “Dy liderët kanë theksuar rëndësinë e përforcimit të marrëdhënieve dypalëshe, për interes të dy popujve, por edhe të rajonit në tërësi”.
Më tej thuhet se “Kryeministri Tsipras i ka dhënë rëndësi faktit që pala greke mbetet e angazhuar në këtë përpjekje, por ka theksuar se veprimet e kohëve të fundit dhe retorika nacionaliste në rritje minojnë konsolidimin e një klime të mirëbesimit të nevojshëm për ecurinë e marrëdhënieve dypalëshe.
Në të njëjtën kohë, ai ka vënë në dukje nevojën për të gjeneruar me hapa konkretë rezultate konkrete në bashkëpunimin mes dy vendeve, fakt për të cilin Greqia ka nisur një seri iniciativash.
Cipras ka theksuar gjithashtu se mbrojtja e të drejtave të pakicave etnike greke përbën një çështje kryesore për marrëdhëniet midis dy vendeve, por edhe një kusht themelor për ecurinë europiane te Shqipërisë.”
Kryeministri Edi Rama do të jetë sot në Athinë ku do të japë një intervistë për emisionin ‘Histori’ në televizionin grek ‘Skai’.
