Media serbe vazhdon të shkruajë me tone të ashpra dhe përçarëse për situatën Kosovë-Serbi. Gazeta Kurir.rs shkruan sot në titullin kryesor se “Shqiptarët po përgatiten për luftë”.
“Hashim Thaçi dhe Isa Mustafa kërkuan nga ne që të njohim pavarësinë e Kosovës, por Vuçiç dhe Nikoliç u kanë deklaruar se njohin vetëm pavarësinë e bashkësisë së komunave serbe. Bisedimet pas kësaj u ndërprenë”, shkruan ky medium.
“Negociatat midis Beogradit dhe Prishtinës në Bruksel, kanë patur përplasje për shkak të kërkesës së përfaqësuesve shqiptarë që Serbia të njohë pavarësinë e Kosovës. Këtë, presidenti i Kosovës, Hashim Thaçi dhe kryeministri Isa Mustafa e kanë kërkuar nga kryeministri Aleksandër Vuçiç dhe presidenti Tomislav Nikoliç dhe u kanë dhënë një mesazh se mos tu shkojë ndër mend që do të lejojnë formimin e Asociacionit të komunave serbe”, shkruan Kurir të ketë mësuar nga “burime të mirë-informuara”.
Gjithsesi, së paku në artikullin e publikuar online, përveçse flitet për “bllokim të negociatave”, nuk shihet se ky është bazuar kjo media që shkruan “shqiptarët po përgatisin luftë”.
