Dy turistë italianë, Domenico Gritto, 24 vjeç dhe Vincenzo Tizzano, 42 vjeç, me origjinë nga Pozzuoli, humbën jetën sot në një aksident rrugor në Shqipëri, shkruajnë mediat italiane.
Ndër të tjera janë bërë publike edhe fotot e dy viktimave.
“Lajmin e kanë bërë të ditur policia lokale përmes një komunikate. Ngjarja ka ndodhur rreth orës 3 të mëngjesit, ku dy italianët po ktheheshin në Sarandë me një motoçikletë, kur një makinë Mercedes Benz e drejtuar nga një adoleshent shqiptar (17 vjeç) i ka përplasur”, raporton media italiane.
Përplasja rezultoi fatale për dy italianët, ndërsa drejtuesi i makinës dhe një bashkëmoshatar që ndodheshin në makinë përfunduan në spital./Opinion.al
