Pas shpërthimit të epidemisë së koronavirusit të ri pikpyetjet më të mëdhaja ishin se nga erdhi ky virus. Tezës së ai ishte transmetuar nga tregjet e kafshëve të egra iu shtua ajo se ai kishte dalë nga një laborator në afërsi të qytetit të Ëuhanit. Kjo tezë mbështetej në faktin se ky ishte një nga laboratorët më të famshëm për studimin e sëmundjeve infektive.
Kostoja e Institutit të Virologjisë të Ëuhanit, shkon rreth 37 milionë dollarë, por që sipas dokumenteve të botuara nga disa media angleze, si “Mail on Sunday”, është financuar edhe me para amerikane.
Ato shkruajnë se disa partnerë amerikanë si Instituti i Shëndetit Amerikan, Harvardi dhe universitet i Alabamës, kanë financuar pjesë të eksperimenteve në Ëuhan mbi disa lakuriqë nate të gjetur në disa shpella në zonën e Yunnanit, rreth 1300 kilometra nga Ëuhani, që paraqisnin një virus të panjohur.
Shkak për këto studime ishte bërë një epidemi që kishte interesuar zonën e Yunnanit në 2016. Në vitin 2018 u përfunduan disa studime ku përshkruhej koronavirusi i ardhur nga kafshët e egra.
Sipas burimeve të mediave britanike këto studime po mbahen të fshehta ndaërsa “The Guardian” raporton se qeveria kineze po dekurajon studimet e Universiteteve kineze mbi origjinën e koronavirusit që shkakton COVID-19, duke nxitur më shumë ato dinamikat e përhapjes dhe mënyrën e kufizimit të saj. Sipas “The Guardian” këto studime përpara se të publikohen duhet të kalojnë më parë në lupën e qeverisë.
Burimet e mediave britanike mbeten ende për tu konfirmuar ndonëse nuk ka një mënyrë për të detyruar qeverinë kineze të bëjë transparencë mbi këto studime, fakti i ri se ato mund të jenë financuar me para amerikane shton një mundësi të re për t’ju afruar më shumë të vërtetës. Nëse këto financime janë reale atëherë personat përgjegjës për to mund të dalin për të konfirmuar pikëpyetjet e mëdha që rrethojnë koronavirusin e ri që ka infektuar tashë 1.8 milionë banorë në të gjithë botën. /Opinion.al
