Në konferencën për shtyp, në prag të sfidës me Ukrainën në Ligën e Kombeve, trajneri i Shqipërisë, Silvinjo, deklaroi se do të jetë një ndeshje e vështirë dhe kuqezinjtë do të luajnë fortë.
Silvinjo deklaroi se lojtarët vijnë me dëshirë në Kombëtare dhe te kjo pjesë është i qetë.
Trajneri i Shqipërisë, u shpreh se nuk futet në fushë për rezultat tjetër përveç fitores.
“E kam thënë edhe më parë, në ndeshjen e fundit ndaj Moldavisë, na mjaftonte një barazim, por nuk mendoj se ka ndonjë trajner që mendon për barazim. Gjithmonë mendohet për fitore. Ne do futemi në fushë për të luajtur shumë fortë dhe për të marrë maksimumin nga kjo ndeshje.
Të gjitha ekipet e grupit kanë luajtur në Europian. Aty është maksimumi. Liga e Kombeve është ndryshe. Jam i shqetësuar sepse lojtarët vijnë me pak ndeshje dhe pak pushime. E rëndësishme është që lojtarët të besojnë se duhet dhënë më e mira dhe të marrin maksimumin.”,-tha trajneri i Kombëtares.
