Detaje të reja po dalin nga ngjarja e rëndë e ndodhur në Volos të Greqisë ku 50-vjeçari Fatmir Talella vrau kunatin 33-vjeçar, Erjon Pelivanin.
33-vjeçari dyshohet se ka abuzuar prej vitesh vajzën e mitur të bashkëshortit të motrës së tij. Për këtë arsye, Fatmir Talellari organizoi planin për të vrarë Pelivanin.
Ai thirri Pelivanin me idenë se i ishte prishur makina dhe pas kësaj e qëlloi me armë duke i shkaktuar vdekjen. Talellari e kishte vajzën me gruan e parë e cila ka ndërruar jetë si pasojë e një aksidenti rrugor. Me gruan e parë ai është baba edhe i dy fëmijëve të tjerë.
Pas vdekjes së gruas ai u martua më vonë me një grua tjetër, motrën e Erjon Pelivanit, me të cilën ka edhe një fëmijë.
Në të njëjtën kohë, bashkëshortja e autorit dhe motra e viktimës, në prononcimet e saj për protothema.gr, tregon se vajza e ka rrëfyer ngjarjen tre ditë më parë. Deri atëherë 18-vjeçarja nuk kishte treguar asgjë për përdhunimet.
Ajo ka treguar më tej se i shoqi, Talellari e ka marrë në telefon dhe i ka thënë se i ka vrarë të vëllanë.
“E mësova 3-4 ditë më parë. Nuk dija asgjë, (Erjon Pelivani) ka mbuluar çdo gjë. Vajza nuk më ka treguar gjë as mua. Ai (Fatmir Tulellari) më mori dhe më tha “kam vrarë vëllain tënd””, ka treguar ajo për mediat greke./Opinion.al
