Është shtyrë për nesër në orën 16:00 mbledhja e Këshillit të Mandateve.
Avokatët e Ahmetajt kanë kërkuar shtyrjen e mbledhjes së Këshillit, për të marrë kohë më tepër për mbrojtjen. Ndërkohë nga ana tjetër opozita ka kërkuar që diskutimet të vijojnë sot.
Mbledhja e ditës së sotme nisi me debate. Opozita kërkoi që seanca të zhvillohej me dyer të hapura, por ka pasur replika nga ana e maxhorancës, duke vendosur vijimin e mbledhjes me dyer të mbyllura.
Përballë deputetëve të opozitës dhe mazhorancës ishin prokurorët e SPAK mes të cilëve edhe kreu i institucionit Altin Dumani.
Gjatë mbledhjes deputeti Gazment Bardhi pyeti kreun e SPAK, nëse kanë nisur hetimet për kryebashkiakun e Tiranës, Erion Veliaj dhe për kryeministrin Rama.
Ky i fundit u shpreh se këto çështje janë sekret hetimor.
Nga ana tjetër avokatët e Arben Ahmetajt gjatë mbledhjes së Këshillit të Mandateve kanë pranuar se ish-ministri nuk ndodhet në Shqipëri./Opinion.al
