Policia është shprehur e shqetësuar për abuzimin me shpejtësinë që bëhet nga drejtuesit e automjeteve në aksin rrugor Sauk-TEG.
Në një njoftim zyrtar, policia bën me dije se mbrëmjen e djeshme u është hequr leja e drejtimit 8 personave.
Ata po drejtonin automjetet me një shpejtësi 154-169 km/h. Ndërkaq rruga ishte me lagështirë dhe fluksi i lëvizjes ishte akoma i lartë, duke rritur rrezikun për përfshirje në aksident rrugor, thotë policia.
Ajo i bën apel drejtuesve të automjeteve që të shijojnë fundjavën por “mos fluturoni të arrini aksidentin apo të dorëzoni patentën”.
Njoftimi
Vijon të ndodhë në aksin rrugor Sauk-Teg, aks me rrisk për ngjarje rrugore
Edhe pse rruga monitorohet me radar e patrullime të shpeshta të Policisë, përsëri në këtë segment ka drejtues mjetesh që abuzojnë me shpejtësinë.
Vetëm gjatë orëve të mbrëmjes e deri në orën 00.30 të mëngjesit të sotëm, në këtë segment rrugor janë evidentuar dhe ndëshkuar me tërheqje të Lejes së Drejtimit, 8 drejtues mjetesh të cilët brenda 10 ditëve do të paraqiten në OASH, pasi drejtonin mjetet me shpejtësi që varionte nga 154 km/h deri në 169 km/h. Shpejtësi kjo kur rruga ishte me lagështirë dhe fluksi i lëvizjes ishte akoma i lartë, duke rritur rrezikun për përfshirje në aksident rrugor.
Drejtues mjetesh: Shijoni fundjavën por mos fluturoni të arrini aksidentin apo të dorëzni patentën. Qëllimi i Policisë Rrugore nuk është as gjoba, as heqja e patenës, është vetëm dhe vetëm siguria e jetës në rrugë, rritja e parametrave të sigurisë së jetës në rrugë.
Respektoni rregullat e qarkullimit rrugor që destinacioni juaj të jetë i sigurt dhe ju të shkoni bashkë me patentën tek familja, ajo ka nevojë për ju. /Opinion.al
