Sekretari i Përgjithshëm i PD, Gazment Bardhi në një deklaratë për mediat ka thënë se nuk tërhiqet nga mbledhja e Këshillit Kombëtar.
Bardhi tha se nesër do të mbledhë online Këshillin Kombëtar. Ndër të tjera ai komentoi vendimin e Kryesisë që e çoi për hetim, duke thënë se ishte si një Fletërrufe e Byros Politike që shpalli armik sekretarin e përgjithshëm se zbatoi statutin e partisë.
“Në cilësinë si sekretar kam njoftuar thirrjen e mbledhjes së Këshillit Kombëtar. Menjëherë sapo është bërë publik ky njoftim afër mesnatës jam njohur me një deklaratë që dilte në emër të kryesisë, që ngjante me një fletërrufe të Byrosë politike që shpallet armik dhe baltoste sekretarin e përgjithshëm të partisë vetëm se kishte zbatuar statutin. Personalisht por edhe pjesa dërmues e kolegëve që kanë qenë në betejë për tu ndarë nga mendësia se kush nuk mendon si unë është armiku im, e kemi besuar që kemi bërë, zhgënjim për pjesën e kolegëve që tjetër gjë kanë thënë në një vit e gjysmë dhe tjetër gjë bëjnë”, tha Bardhi./Opinion.al
