“Unë jam infermiere dhe për momentin jam duke u përballur me këtë urgjencë shëndetësore. Edhe unë kam frikë, por jo për të shkuar për të bërë pazar. Kam frikë të shkoj në punë. Kam frikë sepse maska nuk puthitet mirë në fytyrë, ose mund të kem prekur aksidentalisht doreza të kontaminuara, ose ndoshta lentet nuk më mbulojnë plotësisht sytë dhe diçka mund të ketë kaluar “.
Infermierja Alessia Bonari në një nga spitalet e Italisë ka bërë një apel në rrjetet sociale duke postuar edhe një fotografi të sajën ku duken në fytyrë shenjat e lëna nga maska për tu mbrojtur nga koronavirusi.
“Jam e lodhur fizikisht”, thotë ajo, “sepse pajisjet mbrojtëse të krijojnë dhimbje, palltoja e laboratorit ju bën të djersiteni dhe pasi e vesh nuk mund të shkoj më në banjë ose të pijë ujë për gjashtë orë. Jam e lodhur psikologjikisht dhe si unë të gjithë kolegët e mi që kanë javë që janë në të njëjtën gjendje, por kjo nuk do të na pengojë të bëjmë punën tonë siç kemi bërë gjithmonë”.
“Unë do të vazhdoj”, përfundon ajo “të kuroj dhe të kujdesem për pacientët e mi, sepse jam krenare dhe e dashuruar me punën time. Ajo që kërkoj nga kushdo që po lexon këtë postim është të mos zhbëjmë përpjekjen që po bëjmë ne, të jemi altruistë, të qëndrojmë në shtëpi dhe kështu mbrojmë ata që janë më të brishtë. Ne të rinjtë nuk jemi imun ndaj koronavirusit, edhe ne mund të sëmuremi, ose edhe më keq mund të sëmurim të tjerët. Nuk mund ta lejoj luksin e kthimit në shtëpinë time e karantinuar, duhet të shkoj në punë dhe të bëj pjesën time. Ju bëni tuajën, ju a kërkoj me lutje”. /Opinion.al
