Policia e Durrësit ka parandaluar përshkallëzimin e mëtejshëm të një konflikti me armë zjarri mes disa personave.
Në lagjen nr 18 Durrës po ndodhte një konflikt mes disa personave dhe njëri prej t
yre po qëllonte me pistoletë në ajër. Banorët e lagjes kanë lajmëruar policinë për këtë situate.
Shtetasi që kishte qëlluar me armë zjarri në ajër së bashku me shokun e tij në momentin që kanë parë Policinë kanë tentuar të largohen me shpejtësi me automjet por janë kapur në flagrancë gjatë ndjekjes.
Policia bëri të mundur bllokimin e automjetit si dhe vënien në pranga të shtetasve A.B., 26 vjeç, i cili dyshohet se është personi i cili ka qëlluar me armë zjarri dhe E.K., 30 vjeç, të dy banues në Durrës.
Gjatë kontrollit të ushtruar u gjet dhe u sekuestrua në cilësinë e provës materiale arma e zjarrit tip pistoletë me disa fishekë luftarakë.
Shtetasit e arrestuar njihen si persona me precedentë të mëparshëm në fushën e krimeve kundër personit dhe kundërshtimit të punonjësve të Policisë. /Opinion.al
