Një 17-vjeçar është kapur në flagrancë nga policia pasi lëvizte në qytetin e Fierit me pistoletë.
Policia njofton se ai kishte edhe municion luftarak që e mbante së bashku me armën e zjarrit në automjetin që drejonte pa leje.
Uniformat blu sekuestruan në cilësinë e provës materiale armën dhe 13 fishekë.
”Specialistët kapën në flagrancë një shtetas 17 vjeç, banues në Fier, i cili lëvizte në qytet, me armë zjarri pistoletë, me municion, të cilën e mbante në automjetin që drejtonte pa leje. Sekuestrohet në cilësinë e provës materiale arma e zjarrit pistoletë dhe 13 fishekë. Veprimet procedurale me të miturin vijojnë të kryhen në prani të psikologut, mbrojtësit ligjor, dhe prindit”, njofton policia.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme./Opinion.al
