Një çift pandash më në fund u çiftëzuan pas shumë përpjekjeve të mbarështuesve kinezë. Ata kishin disa javë që po përpiqeshin që të bashkonin kafshët, por pa sukses.
Ata përdorën një teknikë të çuditshme te mashkulli Yang Yang dhe te femra Su Shan. Për të krijuar kushtet e duhura për çiftëzim, mbarështuesit fillimisht vendosën një disk me zhurmat e Yang Yang-ut në rrethimin e Su Shanit e më pas i vendosën në të njëjtin rrethim. Gjithsesi, kafshët duket se nuk ishin gati.
Problemi qëndronte te femra, e cila kishte refuzuar edhe një mashkull tjetër më parë. Por, me anë të një shkopi që në fund të tij kishte një mollë, mbarështuesit prekën bishtin e femrës, së cilës i hipi dëshira dhe kafshët më në fund u bashkuan me sukses.
Tashmë na mbetet vetëm të presim nëse çiftëzimi do të çojë në barrë te Su Shani./T.CH
