Pasi sfida e 10 viteve u bë virale, Luana Vjollca, ishte ndër personazhet që u komentua më së shumti mbi faktin se pse nuk po bëhej pjesë e sfidës, dhe pse ajo është mjaft aktive në rrjete sociale. Edhe pse e sulmuar shpesh mbi ndërhyrjet kirurgjikale të bëra ndër vite, Luana nuk nguroi të postonte një kolazh fotosh të 11 viteve më parë.
Ajo postoi disa foto nga sekuenca e spote publicitare, ku ndryshe nga imazhi i saj tani, ajo shfaqet brune dhe me disa kilogramë më pak.
“11 vite më parë. Unë 16 vjeçe. Çfarë gjeta sot? Sekuenca nga spotet e shumta publicitare si imazhi kryesor i Digitalb. 2008!!! P.s: 48 kg”, shkroi Luana në mbishkrimin e postimit në Instagram.
Sfida e 10 viteve është një nga sfidat më virale të momentit dhe konsiston në publikimin e një fotoje dhjetë vite më parë. Postimet e personazheve të famshëm, janë shndërruar në postime virale. Ndër to, ajo që ka marrë më shumë pëlqime ka qenë fotoja e Cailtlyn Jenner.
Kalimi nga pamja fizike mashkullore në femërore i ka mundësuar të atit të Kendall dhe Kylie Jenner që të jetë “fituesja”. Aktualisht fotoja e tij eshte me e pelqyera nga fotot e sfides se famshme.
Në Instagram ai ka postuar dy foto, në njërën anë si Bruce, burri që ishte dikur, në anën tjetër si Caitlyn, femra që është sot./E.M
