Taylor Swift është “shndërruar” në një burrë për videoklipin e këngës së saj të re, me theks tek seksizmi. Këngëtarja e famshme amerikane, e cila është edhe regjisorja e klipit “The Man”, shihet në videoklip me flokë të shkurtra, mjekër dhe mustaqe.
Me fjalë të thjeshta, Taylor imagjinon se si mund të ishte jeta e saj nëse do të ishte një burrë i pasur, i quajtur, Tyler Swift. Disa skena janë shumë të ngjashme me filmin e Leponardo Di Caprios “Wolf of Wall Street”. Në njërën prej tyre, Swift i hedh shampanjë disa vajzave seksi me bikini në jaht, ndërsa në një skenë tjetër, duket posteri i Tyler në “Mr. Americana” që është referencë për “Miss Americana”.
30-vjeçarja nuk lë pa thumbuar as sportistët, konkretisht tenistët. Ata shpesh reagojnë të nervozuar duke thyer raketat ose duke gjuajtur me top arbitrat. Ndërkohë, tenistet gra si Williams dhe Sharapova janë kritikuar për shkak të frymëmarrjes së fortë kur gjuajnë, sepse është “shpërqëndruese” gjatë lojës.
Më tej gjatë këngës, personazhi shihet në moshë të thyer duke u martuar me një vajzë të re dhe të bukur./Opinion.al
