Atmosfera sa vjen e nxehet akoma më shumë.
Më 11 qershor, në Lens të Francës, përballë do jetë Zvicra me Shqipërinë, në finalet e Europianit.
Për Granit Xhakën ky do jetë një duel vëllezërish.
“Është gjëja e fundit që dëshiroja,” thotë ai për gazetën Blick.
Por ai është mjaftueshëm profesionist për të fshehur situatën.
Ndërkohë vëllai i tij, Taulanti, që luan për Shqipërinë, deklaroi në janar se ai nuk do zmbrapset.
I pyetur nëse do i ndërhynte vëllait të tij, ai tha: “Nuk tërhiqem nga stili im i lojës, edhe nëse përballë kam vëllain tim. Kjo nuk ka rëndësi”.
Por Graniti bën shaka.
Sipas tij, do ishte më mirë sikur “të mos na fusnin të dyve fare në formacion në minutën e fundit”.
“Taulanti dhe unë kemi lindur dhe rritur në Zvicër. Kur ishim 12 vjeç, udhëtuam për herë të parë drejt Kosovës për të takuar gjyshërit”.
Xhaka shpjegon edhe arsyen se përse ai zgjodhi Zvicrën dhe vëllai i tij, Shqipërinë.
“Është e thjeshtë: Për mua Shqipëria nuk tregoi interes, kurse Zvicra po. Për Taulantin ndodhi e kundërta”.
