Një 41-vjeçar është arrestuar nga Policia, pasi ishte i shpallur në kërkim për veprën penale “Prodhim dhe shitje të lëndëve narkotike”.
Policia njofton se i arrestuari Y.B., në momentin e arrestimit po lëvizte me mjet në drejtim të Lezhës, por efektivet arritën ta ndalonin në vendin e quajtur “Rrethrrotullimi i Shengjinit” .
41-vjeçari ishte i shpallur në kërkim në nëntor të vitit 2019, pasi Gjykata e Rrethit Gjyqësor Krujë ka caktuar masën e sigurisë “Arrest me burg” për veprën penale “Prodhim dhe shitje të lëndëve narkotike”.
Materialet procedurale u referuan Prokurorisë së Rrethit Gjyqësor Lezhë, për veprime të mëtejshme./ Opinion.al
