Mbrëmjen e së shtunës e ftuar në “Xing me Ermalin” ishte Arilena Ara. Këngëtarja bukuroshe u ngacmua nga moderatori i emisionit kryesisht në lidhje me djemtë. Arilena është një vajzë e re mjaft simpatike, por ajo është shumë e rezervuar për jetën e saj private. Por fakti që Arilena është e rezervuar, nuk do të thotë se nuk ka meshkuj në jetën e saj.
Ajo padashur iu përgjigj njërës pyetje “atë e di im shoq,” pasi refuzoi disa herë të tregonte për lidhje dashurie. Por një tjetër histori interesante e saj, është se si i propozuan para disa vitesh.
Arilena filloi të tregojë që dy vite më parë i kishte ardhur një zotëri në shtëpi. Zotëria kishte udhëtuar nga larg për të kërkuar dorën e këngëtares te mamaja e saj. I biri i zotërisë e kish parë Arilenën në televizor dhe e donte për grua.
“Donte të ma ngopte mua djalin e tij,” tha Arilena.
“E kam djalin serioz, të mirë. Kam derra, ka pula, kam lopë, prodhojmë kaq qumësht në vit. Madje djali im është aq fortë sa ndeshet me arushën,” mësohet të ketë thënë zotëria.
Arilena tregon se mamaja e saj ishte përgjigjur që nuk ka vajza për të martuar “se janë të vogla, do mbarojnë shkollën”. Zotëria kish sjellë edhe një top të madh me gjalpë, dhe u kishte kërkuar të mendoheshin.
“Ja mori dhe i tha vajzën nuk ta jap. Iku ai, e mbajtëm topin,” tregon Arilena./Opinion.al
